मानव आश्रममा बिरौटा साझा चौतारी
Posted on: Jul 17, 2019

साउन १ पोखरा । लायन्स क्लव अफ पोखरा बिरौटा साझा चौतारीले मानव सेवा आश्रममा विभिन्न कार्यक्रम गरेको छ ।  पोखरा १७ छोरेपाटनमा अवस्थित आश्रममा आश्रितहरुका लगि क्लवले तालिम तथा भोजन कार्यक्रम सम्पन्न गरेको हो ।

क्लवले समाजमा मनोरोगी तथा सडक बालबालिका न्यूनिकरणका लागि तालिम र आश्रममा आश्रितहरुका लागि एक छाक खाना खुवाउने कार्यक्रम सम्पन्न गरेको कार्यक्रम संयोजक अम्बिका खड्काले जानकारी दिइन । 

आश्रममा आयोजित कार्यक्रमको उद्घाटन रिजन चेयर पर्सन दुर्गा कुमारी आचार्यले गरिन । उनले समाजमा सडक बालबालिका र मनोरोगीहरुका लागि आश्रय दिएर आश्रमले समाजका लागि उदाहरणीय काम गरिरहेको बताइन । 

कार्यक्रममा जोन चेयर पर्सन सीता पहारी, परोपकार नारी समितिका अध्यक्ष रेनु थापा, मानव सेवा आश्रमका अभियन्ता राजन सापकोटा लगायतले मनोरोगी र सडक बालबालिकाहरुका लागि सबैको सहयोग आवश्यक रहेकोमा जोड दिए । 

कठिन अवस्थामा रहेकाहरुलाई आश्रमले सबैको सहयोगमा सेवा गरिरहेको आश्रमकी अभिभावक उषा गोशेलीले बताइन । उनले आश्रमले ८० जना सडक बालबालिका तथा मनोरोगीहरुका लागि आश्रय दिइरहेको जानकारी दिइन । साथै उनले यसमा सबै क्षेत्रबाट पनि रचनात्मकको सहयोगको लागि आग्रह गरिन । 

कार्यक्रममा अधिवत्ता तथा पत्रकार द्वय सुष्मा पौडेल र सरिता तिमिल्सीना पंगेनीले सहजीकरण गरेका थिए । 

क्लवका अध्यक्ष साबित्रा पौडेलको अध्यक्षतामा भएको कार्यक्रममा स्वागत प्रथम उपाध्यक्ष रेखादेवी पोखरेल, धन्यवाद द्वितिय उपाध्यक्ष गीता पराजुली र झण्डाको अभिवादन अमृता अधिकारी र कार्यक्रमको सञ्चालन सह–सचिव लक्ष्मी बराल आचार्यले गरेकी थिइन । 

Comments